Бүгүн, 17-февралда Кыргыз мамлекетинин аймагында саат 10:44 чамасында 4 баллга жеткен жер титирөө катталды. Бул тууралуу Кыргыз улуттук илимдер академиясынын сейсмология институту маалымдады
Адам жашаган аймактарда жер титирөө 3 баллдан 4 баллга чейин жеткен. Алгач жер титирөөнүн очогу Көк-Бел аймагында байкалып, 4 балл болгон. Ал эми Кетмен-Төбө айылында – 3,5 баллга жетсе, Кара-Көл, Токтогул, Үч-Терек, Саркат, Бор-Дөбө, Жетиген жана Кара-Жыгач аймактарында 3 баллга чейин жеткен жер титирөө катталган.
