2484 сом төлөмдү кечиктиргендиги үчүн , электр энергиясы кесилип, жыйынтыгында өмүрлүк жары менен кызын жоготкон Тендик Избасаров: “Үй бүлө кожоюндары жок учурда кичинекей кызды ыйлатып, светти кесип кеткен болобу? Бир аз түшүнүү деген барбы?” деп нааразы.

Ал эми Талас райондук электр тармактар ишканасынын жетекчилиги төлөмдү кечиктиргендиги үчүн абоненттердин электр энергиясы тегиз өчүрүлөөрүн билдиришүүдө.

2484 сом 54 тыйын төлөмүн кечиктиргендиги үчүн электр жарыгысыз калган, үй бүлөгө кайра светти кошуп беришкен. Бирок жарынан жана кызынан айрылган ата үчүн үйдүн жарыгын кошуп берүүнүн эч кандай мааниси жок болуп калды