Экс-президент Алмазбек Атамбаев коорупция менен күрөшөм деп келип, өзү коррупционерлердин атаманы болуп алды. Мындай пикирин саясий куугунтукка кабылган Кубанычбек Кадыров элдик.медианын түз эфиринде билдирип, Атамбаев коррупциянын ана башы экендигин даана көрсөттү дейт.
Кадыров 2010-жылдары Ички иштер министринин орун басары болуп турганда ага А.Атамбаевдин кишилери айрым коррупциялык иштерди жабуу үчүн 500миң долларга чейин сунуштагандыгын ачыктады.
“Азыркы Бишкек ЖЭБ боюнча желип кеткен 111млн. доллар, түндүк-түштүк жолун куруудагы коорупциялык схемалар мисал боло алат. Биз ошол кезде элге ачык айтып чыккандыктан, “Бийликти басып алганы жатат” деген негизде мыйзамсыз кылмыш ишин козгоп камакка алган.”
