Карышкырлар кемпир менен анын кызын талап өлтүрүштү

246

Тажикстандын Тоолуу-Бадахшан автоном облусунда карышкырлар 83 жаштагы кемпир менен анын 55 жаштагы кызын талап өлтүрүштү. Окуя 7-мартта эртең менен Шугнан районундагы Мденхор айылында болгон. Бул боюнча маалымат сайттары жарыялады

Өлкөнүн Өзгөчө кырдаалдар комитетинин маалыматына караганда, карышкырлар кызы менен апасы эртең менен сыртка чыккан маалда кол салышкан.

Бул Тажикстанда жырткычтар жергиликтүү тургундарга кол салган алгачкы учур эмес. 2013-жылы февралда Рушан районунун 81 жаштагы тургуну Наботбегим Худодованы карышкырлар талап өлтүрүшкөн.

Ошол эле жылы январда жырткычтар Шугнан районунун 90 жаштагы жашоочусу Озода Саиднуруллоевага кол салган. Бирок ал тирүү калып, ооруканага жатып чыккан.

Расмий түрдө Тажикстанда карышкырларга аңчылык кылууга тыюу салынган жана тоолуу айылдардын тургундарында курал-жарак жок.

Пикир кошуңуз

Пожалуйста, введите ваш комментарий!
Пожалуйста, введите ваше имя здесь