Борбордук Ала-Тоо аянтында Нооруз майрамына карата “Улуттук баш кийимдердин” сүрөт-көргөзмөсү ачылды. Жалпысынан Табылды Кадырбеков тарткан 50 сүрөт коюлуп, анда кыргыздын ак калпак, тебетей жана элечектин түрлөрү чагылдырылган.
Уюштуруучулардын айтымында, улуттук салттуулукту жайылтууга арналган бул иш-чарага бир жыл даярданышкан. Сүрөттөрдө жаш курагына карата кийилген калпактар тууралуу баяндалат. Кыргызстандын кайсы аймагында жана уруулар арасында кандай баш кийимдер колдонулган жана алардын айырмачылыктары боюнча кененирээк маалымдалат.
