Казакстандын президенти Касым-Жомарт Токаев расмий сапарын Россиядан баштайт. Ал 3-апрелде Россияга барып президент Владимир Путин менен сүйлөшүүлөрдү өткөрөт. Бул тууралуу казак басылмалары жазды.
Маалыматка ылайык, эки лидердин жолугушуусунун күн тартибинде саясий, соода-экономикалык жана маданий-гуманитардык тармактар боюнча эки тараптуу кызматташуу маселелери, ошондой эле аймактык жана эл аралык актуалдуу темалар болот.
Сапардын жыйынтыгында эки тараптуу бир катар документтерге кол коюлаары күтүлүүдө.
