Бүгүн саат 10:00дөн тартып Бишкек-Ош автоунаа жолу ачылып, бардык посттордон унаалар өткөрүлө баштады. Бул тууралуу Өзгөчө кырдаалдар министрлигинин басма сөз кызматы билдирди.
Эске салсак, аба ырайы кескин өзгөрүп, кар көчкү түшүү коркунучу пайда болгондугуна байланыштуу, Бишкек-Ош автожолу 29-март күнү саат 22:00дөн тарта жабылган. Жол «Сосновка», «Арал» постторунан жана Өтмөк ашуусунан тосулган.
