Аксыда 25 жаштагы бала дарыяга түшүп кетип, бүгүнкү күнгө чейин табылбай жатат. Бул тууралуу Өзгөчө кырдаалдар министрлигинин басма-сөз кызматы билдирди.
Маалыматка караганда, 2-апрель күнү Жалал-Абад облусуна караштуу Аксы районундагы Тегирмен-Сай айылынын 1993-жылы туулган С. уулу К. аттуу жараны Кара-Суу дарыясына чөгүп кеткен.
Бирок азыркы күнгө чейин табыла элек. Учурда ӨКМден 12 куткаруучу тартылып издөө иштери жүргүзүлүүдө. Ошондой эле, 3-апрелде Баткен облусунун Кадамжай районунун Исфайрам дарыясына 2009-жылы туулган Т.Ж. аттуу бала дагы түшүп кетип, изделүүдө.
Ыкчам издөө иштери жүргүзүлгөнү менен бүгүнкү күнгө чейин өспүрүм табылбай жатканы кабарланды. Аны издөөгө 52ден куткаруучу тартылып, издөө иштери улантылууда.
