Депутат Карамат Орозовага учурдагы КСДПнын экиге бөлүнгөнү эч кандай таасир тийгизбейт. Бул тууралуу депутат бүгүн ““Eldik.Media” порталына берген маегинде билдирди. Анын пикирине караганда ал мурунку жана азыркы президенттерди бирдей колдоп жана экөөнө тең сын пикир айтып келгенин билдирди.
Ошондой эле, эл өкүлү “Мен президенттердин жасап жаткан ишин колдойм, жүргүзгөн саясаттарына, алардын иштерине сын-пикир айтсам эле оппозиция болуп калат. Мен андай мааниде эмес, дос катары, алардын жакын адамы, партиялаштары катары оюмду ачык айтып келем. КСДПдан 3 президент чыкты, аларды өзүбүз колдоп чыгардык, чогуу иш алып барууга милдеттүүбүз”– деп кошумчалады.
