Кече катуу жааган жамгырдын кесепетинен улам Сузакта үйлөрдү сел каптады. Бул тууралуу ӨКМдин басм-сөз кызматы кабарлады. Малыматка караганда, коктулардан келген суу ички чарбалык арыктан ашып, селге айланган.
Натыйжада сел райондун Багыш айыл аймагына караштуу Караган жана Кызыл-Туу айылдарындагы 9 турак-жайдын короосун каптап кеткен. Кырсыктын кесепетин жоюуга Өзгөчө кырдаалдар министрлигинин Сузак райондук бөлүмүнөн тиешелүү техника тартылып, учурда 35 куткаруучу жергиликтүү тургундар менен чогуу иштешүүдө.
