Чүй облусунун Аламүдүн районунда 75 жаштагы абышканы өлтүрдү деп шектелип анын 18 жаштагы небереси жана анын 17жаштагы шериги кармалды. Бул тууралуу Чүй облустук милициянын маалымат кызматы билдирди.
Маалыматка караганда, зомбулук менен өлтүрүлгөн эркектин сөөгү 11-апрелде табылган. Ыкчам иликтөөнүн натыйжасында маркумдун 18 жаштагы небереси менен анын 17 жаштагы жигити шектүү катары кармалган.
Алдын ала маалыматтарга караганда, алар үйдөн бир нерсени уурдап баратканда чоң атасы билип калып, каршылык көрсөткөн. Ошол маалда ага бир нече ирет бычак урулганы айтылууда. Бул окуя боюнча учурда тергөө иштери башталды
