Ысык- Көл облусунун Тоң районунда уран чыгаруучу ишкана ачылат дегенден тартып жергиликтүү тургундар каршылыгын билдирип келишет. Алардын баамында, уран айыл жашоочуларынын ден соолугуна зыян алып келет. “Учурда завод курула турган жердеги жашоочуларды башка аймакка көчүрүп, жумушчуларды кабыл ала баштады”,-деп билдиришет айыл тургундары.
Мындай пикирге, Тоң райондук администрациясынын башчысынын орун басары Тимур Алымбеков уран чыгаруучу заводтун курулушу экологияга терс таасирин тийгизээрин моюнга алып, бирок айылдагы 250 үй бүлө жумуш менен камсыз болот деп ишендирүүдө.
