Кыргызстандын жараны, Санкт-Петербург шаарында «Яндекс.Еды» ишканасында курьер болуп эмгектенген Артык Орозалиев жумуш учурунда каза тапты. Бул боюнча жергиликтүү маалымат булактары кабарлады. Маалыматтарга ылайык, 21 жаштагы жигит 10 саат тынымсыз иштеген. Артык Орозалиев велосипединен жыгылып кайра турган эмес. Дарыгерлердин айтымында анын өлүмүнө жүрөк оорусу себеп болушу ыктымал.
Ал эми бул окуяга «Яндекс.Еде» дагы үн катып, курьердин жакындарына көнүл айтканы маалым болду.
