Бишкекте баш кошуп жаткан эки жаш үлпөт тойдун ордуна бак тигишти. Маалыматка ылайык, 28 жаштагы Залкар Назарбек уулу менен 25 жаштагы Айжамал Замирбекова муктаж үй бүлөлөрдүн балдарына кийим-кече жана белектерди беришти.
Бөбөктөргө кийим тандоо менен өткөн күн, жыйынтыгында Абдрахманов жана Фрунзе көчөлөрүнүн кесилишине бак тигүү менен аяктады. Эки жаштын мындай кадамын “Тазалык” ишканасы колдоп, бак тигүүгө арналган аймакты тазалап, көчөт отургузууга даярдап беришкен.
