Атактуу футболчу Неймардын мүлкүнүн үлүштөрү камакка алынды.
Маалыматка ылайык футболчу жана анын атасы бир убакта агент болуп, 2013-жылы “Сантос” клубунан “Барселонага” өтүүдө салык төлөбөй, жашырып койгондугу айтылууда.
Буга байланыштуу Бразилиянын прокуратурасы 2015-жылы кылмыш ишин козгоп, 45 млн.доллар айып салган. Кийинчирээк ал 17,5 млн. долларга азайтылган. Ал эми салык кызматкерлери Неймардын “Cessna Citation – 680” учагына, “Eurocopter France 130 B4” тик учагына жана футболчунун үй-бүлөсүнө тиешелүү “Neymar Sport & Marketing” компаниясынын үлүштөрүн камакка алган.
