Орусиянын Санкт-Петербург шаарынын Москва районунда 30жаштагы кыргызстандык жаран ур-тепкиден каза болду. Бул тууралуу Кыргызстандын Орусиядагы элчилигинин маалымат кызматынан кабарлады.
3-майга караган түнү Санкт-Петербург шаарынын Яковлев көчөсүндөгү үйдө чыр чыккандыгын коңшулар айткан. Уруш согушка чейин жетип, кыргыз жараны катуу сабалгандыктан тез жардам кызматы анын өмүрүн сактап калганга жетишкен эмес.
Маркумдун денесинде уруп-согуудан калган тактар бар экени байкалган.
Аталган факты боюнча Москва районунун полициясы иликтөө иштерин баштады. Ыкчам издөө аракеттеринин жыйынтыгында эки шектүү кармалган.
Кыргызстандын Россиядагы элчилиги окуяны өз көзөмөлүнө алды.
