Жеңиш күнүнө карата Чолпон-Ата шаарында өтүп жаткан көк бөрү боюнча турнирде оюнчулар арасында массалык мушташ чыкты.
Жарым финалда оюнга түшкөн «Достук» жана «Сары-Өзөн» командаларынын оюнчулары Манас Ниязов менен Нурбек Юсупов уруша кетип, андан соң аттан түшүп, мушташып башташкан. Бул учурда башка оюнчулар келип, бири-бирин камчы менен чабышкан.
Экинчи тайм аяктаганга байланыштуу оюн токтотулган. Үчүнчү тайм улантылып жыйынтыгында 10:4 упай менен бул мелдешти Достук командасы жеңип чыкты.
