Казакстанда бүгүн айрым эркин жалпыга маалымдоо каражаттарынын интернет сайттары иштебей жатат. Бул тууралуу социалдык тармактардын колдонуучулары билдирген.
Маалыматтарга караганда, Казакстандын аймагында HOLA News Kazakhstan, informburo.kz, «Власть», Интернет-журнал, «Радио Азаттык», «Уральская неделя», «Время» , The Village, Lada.kz, Новости Актау, Акжайык жана Exclusive.kz. маалымат сайттары жабылган.
Белгилей кетсек, буга чейин Казакстандын Башкы прокуратурасы жарандарды 9-майда митинге чыкпоого жана ар кандай чакырыктарга алдырбоого чакырган.
