Мамлекеттик салык кызматы “Кока-Кола” компаниясы салыктан бошотулган деген маалымат чындыкка дал келбестигин “Eldik.media” порталына билдирди. Алардын айтымында мамлекеттик салык кызматынын төрагасы Теңизбек Абжапаров кайсы бир ишканаларды салыктан бошотууга же кандайдыр бир жеңилдиктерди берүүгө угугу жок. Башкача айтканда, Салык кызматы салыктардын, камсыздандыруу төгүмдөрүнүн жана башка төлөмдөрдүн жыйналышын камсыз кылат, салык мыйзамынын жана мамлекеттик социалдык камсыздандыруу мыйзамдарынын сакталышын контролдойт. Ал эми салык төлөөчүлөрдү салыктан бошотууну же кандайдыр бир салыктык жеңилдиктерди берүүнү Кыргыз Республикасынын Жогорку Кеңешинин макулдугу менен Кыргыз Республикасынын Өкмөтү жүргүзөт..
