“Азаттык” радиосунун оштогу кабарчысы Ыдырыс Исаков Ош шаарында көмүскө иш жүргүзгөн кумаркананы чагылдырып жүрүп, тагыраагы «Делюкс» мейманканасынын капталында жайгашкан, аты жок кумаркананы тартууга барган учурда ошол жактын кароолчулары тарабынан сабалган. Журналисттин бети, колу тытылып, кийими айрылганы менен жабырлануучу катары укук коргоо органдарына арыз жазган жок. Тескеринче буга чейин эмне себептен текшерүү жүргөн эмес деп укук коргоо органдынын үстүнөн арыз жазганын элдик медиа порталына билдирди. Ал эми кол көтөргөн балдар жаштык кылышты дейт журналист.
