Кыргызстанда «Балдарга жана жаштарга ыңгайлуу шаар» сынагы өтөт. Тиешелүү чечимге Премьер-министр Мухаммедкалый Абылгазиев кол койду.
Аталган сынак Балыкчы, Баткен, Бишкек, Жалал-Абад, Исфана, Кадамжай, Кара-Балта, Каракол, Кара-Көл, Кара-Суу, Кербен, Кочкор-Ата, Нарын, Ош, Талас, Таш-Көмүр, Токмок жана Өзгөн шаарлары арасында өткөрүлөт.
Сынакта 1-орун алган шаар 3 млн сом акчалай сыйлык алат. 2 жана 3-орундарды ээлеген шаарларга 2 млн жана 1 млн сомдон берилмекчи.
Сынакка бардык каалоочулар катыша алат.
«Балдарга жана жаштарга ыңгайлуу шаар» сынагынын байге фонду 6 млн. сомду түзөт.
Сынак «2019-жылды Аймактарды өнүктүрүү жылы жана өлкөнү санариптештирүү жылынын” алкагында өтүүдө.
Сынактын шарттары жана мөөнөттөрү тууралуу кеңири маалымат жакынкы мезгилде жарыяланат.
