Интернет булактарында премьер-министр Мухаммедкалый Абылгазиевдин кызматта отурган дагы бир тууганын аты чыкты.
31 жаштагы Урматбек Жакыпбеков учурда Мамлекеттик каттоо кызматына караштуу “Кыргыз почтасы” мекемесинин башкы директорунун биринчи орун басары кызматын аркалайт. Бул кызматка ал 2018-жылы дайындалган.
Айрым маалымат булактарында Урматбек Жакыпбеков премьер-министр Мухаммедкалый Абылгазиевдин агасынын уулу десе, айрымдары аны “күйөө баласыбы?” деп жазышууда.
Жаш жетекчинин өмүр-таржымалы төмөндө көрсөтүлгөн.
