Бишкек шаарынын Биринчи Май районунун кызматкерлери адам уурдоого шектүү жаранды кармады. Бул тууралуу eldik.media га Бишкек ШИИБнен кабарлашты. Белгилүү болгондой, 20-май күнү “Түштүк-2” районунан белгисиз жигит 1996-жылы туулган кызды унаасына күч колдонуп салып кеткен. Бул тууралуу укук коргоо органдарына кыздын агасы арыз менен кайрылган.
Окуя боюнча “адам уурдоо” фактысы катталып, сотко чейинки өндүрүштүк иш башталган. Ыкчам-издөө иштеринин натыйжасында ошол эле күнү кылмышка шектүү делип 1993-жылкы жаран кармалган. Кармалган жаран убактылуу кармоочу жайын киргизилди.
Ал эми Бишкек ШИИБнын маалымат кызматынан маалымдагандай, кыздын абалы жакшы, үйүнө жеткирилген.
Учурда эмне себептен алып кеткендиги териштирилүүдө.
