Бүгүн Президент Сооронбай Жээнбеков айыл чарба, тамак-аш өнөр жайы жана мелиорация министри Нурбек Мурашев менен экономика министри Олег Панкратовду кызматтарынан бошоткон эки Жарлыкка кол койду. Бул тууралуу президенттин басма-сөз кызматы билдирди.
Эскерте кетсек, 24-май күнү Нурбек Мурашев менен Олег Панкратов кызматтан өз ыктыярлары менен кетүү боюнча премьер-министр Мухаммедкалый Абылгазиевдин атына арыз жазып, себептерин түшүндүрүп беришкен.
Бир күндөн кийин эле “Бир Бол” фракциясы Мурашевдин ордуна 29 жаштагы фермер, ишкер Тилек Токтогазиевдин талапкерилигин сунуштады.
