Ысык-Көл облусунун Каракол шаарында мектеп окуучусу көлгө чөгүп каза болду. ӨКМ басма сөз кызматы кабарлагандай, 29-май күнү саат 17:40 чамасында Пристань-Прежевальск айылында 2004-жылы туулган А.Э. аттуу бала көлгө чөгүп кеткендиги тууралуу билдирүү түшкөн.
Чөгүп кеткен баланы издөөгө 9 куткаруучу тартылып, саат 19:57де анын жансыз денеси көлдүн жээгинен табылган.
Маалыматтарга ылайык, чөгүп каза болгон аймак – булуң сыяктуу жер. Окуучулар менен бирге барган бала көлдүн аркы өйүзүнө сүзүп өтүүгө аракет кылган.
