Суусамыр жайлоосунан 3 жашар бала дайынсыз жоголууда. Ал Көкөмерен дарыясына түшүп кетиши мүмкүн. Бул тууралуу Чүй облустук милиция башкармалыгынан кабарлашты.
Биринчи май айылында жоголгон бала тууралуу маалымат кечээ, 2-июнь күнү саат 11:00дөр чамасында келип түшкөн. Жерине барган ыкчам-тергөө топ баланын атасы менен сүйлөшкөн. Маалым болгондой, алар үй-бүлөсү менен 1-июнь күнү жайлоого эс алууга чыгышкан. 2-июнда эртең мененки тамактануу учурунда баласын таппай калышкан. Бала Көкөмерен дарыясына түшүп кетиши мүмкүн экендиги айтылууда.
Учурда издөө иштери уланууда. Эми баланы издөө үчүн дрон керектелип жатканы маалым болду.
