Президенттин аппаратынын Сот реформасы жана мыйзамдуулук бөлүмүнүн мурдагы башчысы Манас Арабаев бүгүн Биринчи Май райондук сотуна сурак берүүгө келди.
Белгилей кетсек, 2-июнь күнү М. Арабаев Кылмыш-процессуалдык кодексинин 98-беренесинин тартиби боюнча кармалып, УКМКнын убактылуу кармоочу жайына киргизилген.
УКМК тараткан маалымат боюнча, Арабаев чет элдик инвесторлордун объектилерин күч колдонуп басып алган айрым кылмыштуу топтордун кызыкчылыгы үчүн кызмат абалынан кыянаттык менен пайдаланган.
Сотко чейинки тергөө иштери учурунда Арабаевдин жогорудагы кылмыштарга тийиштиги бар экени аныкталып, “Коррупция” беренеси менен Жоруктар менен кылмыштардын бирдиктүү реестрине катталып, сотко чейинки тергөө иштери башталган.
