Украина президенти Владимир Зеленский Американын лидери Дональд Трамп менен «Чоң-20» саммитинен соң жолугат. Бул тууралуу Зеленскийдин штаттан сырткаркы кеңешчиси Борис Тизенгаузен маалымат булактарына билдирген.
Анын маалыматына ылайык, алгач Трамптын админстрациясы Зеленскийди Вашингтонго чакырган.
«Чоң-20» саммити 28-29-июнга белгиленген. Ал Япониянын Осака шаарында өтөт. Бул топту Орусия, Аргентина, Австралия, Бразилия, Улуу Британия, Германия, Индия, Индонезия, Италия, Канада, Кытай, Мексика, Сауд Аравия, АКШ, Түркия, Франция, ТАР, Түштүк Корея жана Жапония өлкөлөрү жана Европа Биримдиги түзөт.
