Өткөн жылы Орусияда ата-энесинин камкордугусуз калган 17 кыргыз бала Кыргызстанга кайтарылган. Бул тууралуу бүгүн маалымат жыйында эмгек жана социалдык өнүктүрүү министринин орун басары Жаңыл Алыбаева билдирди.
Министрдин орун басарынын маалыматына таянсак, 2011-2018-жылга чейин Орусиядан Кыргызстанга 96 бала кайтарылган. Анын ичинен 52 бала үй-бүлөгө, 12 бала асырап алуучу үй-бүлөгө, 10 бала камкордукка жана 22 бала балдар үйүнө берилген.
Ал эми быйыл жыл башынан бери Орусиядан 6 бала кайтарылган 2 бала үй-бүлөгө жана 4 бала балдар үйүнө тапшырылган. Учурда алардын туугандарын табуу аракеттери жүруп жатат.
