Индонезиянын борбордук бөлүгүндөгү Сулавеси аймагында суу ташкыны жүрүп, 5 703 адам турак жайын таштап кетүүгө мажбур болушту. Мындай маалыматты чет элдик маалымат каражаттары жазды.
Маалыматка караганда, тынбай жааган ак жаандын кесепетинен Лалинду, Валасола жана Ландаве өзөндөрүндө суу ташып, жээктеги бир нече айылды каптаган. Суу ташкыны 202 үйдү кыйратып, 4 көпүрөнү алып кеткен, ошондой эле 420 гектар жердеги балык кармоочу жайдын балыгын агызып кетти.
