Чүй облусунун Сокулук районунда жер тилкесине үй куруу учурунда эки кишинин сөөгү табылган. Бул тууралуу жергиликтүү тургун айрым маалымат булактарына билдирген.
“Досум Сокулук районунан жер тилкесин алып, курулуш иштерин баштаган. Бүгүн саат 12:00 чамасында пайдубал куюу үчүн жерди казып жаткан усталар 2 адамдын сөөгүн табышты. Сөөктөр 50 сантиметрден кийин чыкты. Азыр сөөктү Сокулук РИИБине алып кетишти. Досум бул жер тилкесин сатып алганына 15 күндөй эле болгон. Учурда досум Түркияда жүргөн,”-деп билдирген окурман.
