Велосүйүүчүлөрдүн коопсуздугу шаарда салынып жаткан веложолдордо гана сакталат.
Ал эми кадимки унаалар жүрүүчү жолдордо катарлаш жүрүп бара жаткандар үчүн велоайдоочулардын укуктары кадимки жөө жүргүнчүлөрдүкүндөй эле каралгандыгын жол коопсуздук кыймылынын административдик тажрыйба бөлүмүнүн ага тергөөчүсү Байыш Атаев билдирди.
Анын айтымында, жолдо жүрүүнүн эрежелерин сактабаган велоайдоочулар жол кырсыгына тиешеси бар болсо, унаа айдоочулардай эле наркологиялык текшерүүдөн өткөрүлүп, эгер канында спирт ичимдиги болсо, тиешелүү чаралар көрүп атайын беренеде каралган айып пулдарды төлөөгө милдеттендирилет.
