Мамкаттоо улуттук жана эл аралык үлгүдөгү жаңы айдоочулук күбөлүктөрдү даярдоо боюнча 75 млн. 364 миң сомго тендер жарыялады. Бул тууралуу мамлекеттик сатып алуулар департаментинин сайтында жазылат.
Эске салсак, 10-июндан тарта Мамлекеттик каттоо кызматы айдоочулук күбөлүктү поликарбонаттан эмес, картондон бере баштаган. Бул убактылуу гана болуп саналат. Мындай күбөлүктөр октябрь айына чейин берилмекчи.
Мамлекеттик сатып алуулар жөнүндөгү мыйзамга киргизилген өзгөртүүлөргө ылайык, 1-январдан тарта бланктарды ата мекендик гана өндүрүштөн сатып алууга мүмкүн.
