«Жаштар үчүн чек ара жок!» аталыштагы фестиваль болууда

242
«Жаштар үчүн чек ара жок!» аталышындагы кыргыз-өзбек жаштарынын фестивалынын расмий ачылышы өттү. Бул тууралуу Өкмөттүн Жалал-Абаддагы өкүлчүлүгүнөн билдиришти.
Фестиваль өкмөттүн Жалал-Абад облусундагы ыйгарым укуктуу өкүлүнүн аппаратынын демилгеси менен ПРООН жана ЮНИСЕФ уюмдарынын колдоосу астында өткөрүлдү.
Аталган иш-чаранын максаты: эки өлкөнүн жаштарынын чек арасыз, чектөөсүз жылуу мамиледе болуусуна шарт түзүү жана байыртан уланып келе жаткан байланышты токтотпой, ынтымакты ыдыратпай, достук мамилени бекемдөө болду. 
Жакшы саамалыкта Жалал-Абад шаарындагы Билимканада уюштурулган иш-чарада кол өнөрчүлөрдүн, Жалал-Абад облустук Көркөм сүрөт мектеп-интернатынын окуучуларынын эмгектери көргөзмөгө коюлуп, «Этно» фольклордук тобу тарабынан кыргыз ырлары жаңырды.
Эскерте кетсек, бүгүн Жалал-Абад шаарында өткөн фестиваль, 21-22-июнда Токтогул районунда уланат.

Пикир кошуңуз

Пожалуйста, введите ваш комментарий!
Пожалуйста, введите ваше имя здесь