Марат Канулькулов юстиция министринин орун басары болуп дайындалды. Бул тууралуу өкмөттүн аппаратынын маалыматтык камсыздоо бөлүмү билдирди.
Тийиштүү буйрукка премьер-министр Мухаммедкалый Абылгазиев кол койгон. Кечээ, 21-июнь күнү Марат Канулькулов Юстиция министрлигинин борбордук аппаратынын жамаатына тааныштырылды.
Марат Канулькулов 1975-жылы 26-майда Фрунзе шаарында туулган.
1996-жылы Кыргыз Республикасынын Тышкы иштер министрлигинин Бишкек жогорку мектебин «Укук таануу» адистиги, юрист квалификациясы боюнча аяктаган.
2002-жылы жактоочулук ишмердүүлүк менен алектенүү укугун алган.
