Атамбаев экс-президент макамынан ажыратылды

145

Бүгүн, 27-июнда Жогорку Кеңештин депутаттары Алмазбек Атамбаевди кол-тийбестигинен ажыратуу боюнча токтом кабыл алды.

Бардыгы болуп 110 депутат катышып, ичинен 109у добуш берди. Макул-103, каршы-6 болду.

Жогорку Кеңештин жыйынында экс-президентАлмазбек Атамбаевди кол тийбестиктен ажыратуу маселеси каралып, анда башкы прокурор Өткүрбек Жамшитов корутундусун окуду.

Буга чейин Башкы прокуратура Атамбаевдин 5 оор кылмышка түздөн-түз тиешеси бар экенин аныктаган.

  1. Кримтөбөл Азиз Батукаевди мыйзамсыз бошотууну уюштуруу;
  2. Кой-Таш айылына салынган турак-жайынын жер тилкесин мыйзамсыз сатып алуу;
  3. Акча адалдаган “Ака Петролеум” жана “АКА Инвест” компаниялар менен Атамбаевдин тиешеси болушу мүмкүндүгү;
  4. Бишкек Жылуулук электр борборун жаңылоодогу коррупция боюнча;
  5. ЖЭБге көмүрдү мыйзамсыз ташып келген компания менен Атамбаевдин байланыштыгы боюнча.

Бул 5 эпизоддун “Коррупция” беренеси боюнча кылмыштын белгилери аныкталган. Бул берене боюнча күнөөлүү жаран 15 жылга чейин эркинен ажыратылат.

 

Пикир кошуңуз

Пожалуйста, введите ваш комментарий!
Пожалуйста, введите ваше имя здесь