Ак үй тосмосун алып, ачык кылуу керек. Мындай пикирин Жогорку Кеңештин депутаты Бакыт Төрөбаев “Марал” радиосуна берген маегинде билдирген.
Эл өкүлүнүн билдирүүсүнө караганда, өкмөттүн имараты тосмосу жок ачык турса да эл алардын алдына барып митинг кылбайт. Баары президент же парламентке үнүн жеткирүү үчүн Ак үйдүн алдына келишет. Мындан улам, Ак үйдү дагы тосмосун алып, элдин үнүн угууга ачык аянтча кылуу зарыл.
