Кыргызстандын ичиндеги эл аралык маанидеги айрым жолдордогу ылдамдыктын эң жогорку чегин 110 чакырымга чейин жогорулатуу боюнча Ички иштер министрлиги сунуш киргизди.
ИИМ Кыргызстандын транспорттук паркы коопсуздуктун заманбап талаптарына жооп берген күлүк машинелер менен толукталып жатат деп эсептейт. Коомдук талкууга коюлган документтин негиздемесинде акыркы жылдары эл аралык маанидеги жолдор оңдолгону, кайсы бир бөлүктөрүнүн чети, ортосу тосулганы, бул кырсыктарды азайтууга салым кошкону жазылган.
Ылдамдыктын чеги жолдун шарттары коопсуз кыймылды камсыз кыла турган жерлерде көтөрүлүшү мүмкүн.
Учурда калктуу конуштардан сырт жерде ылдамдыктын эң жогорку чеги саатына 90 чакырым деп белгиленген.
