Чүй облусунун Аламүдүн районунун тургундары Алмазбек Атамбаев уюштурган митингге чыкпай тургандарын билдирди.
Атамбаев “Аламүдүн районунун турундары мени колдоп, коргоп жатышат. Эртең митингге чыгабыз дешти, азаматтар” деп билдирген.
Ал эми аталган аймактын эли эч кандай митингге чыкпай, тынч эле жай турмуш менен алек болоорун айтышты.
Ошондой эле, айрымдары “Кыргызстанда жумуш жок, бирок эл эч кандай ызы-чууга аралашпайт. Митинг менен иши жок, тынч эле өз оокаттары менен алек. Атамбаев үйүн штаб кылып алганы туура эмес. Бизге тынчтык, бейкутчулук керек”- деп билдиришкен.
