Тамчыдагы «Ысык-Көл» эл аралык аэропорту 2019-жылдын 1-июль күнү алгачкы «Алматы-Тамчы-Алматы» каттамын кабыл алды. Бул тууралуу Жолдор жана транспорт министрлигинин басма сөз кызматы билдирет.
Маалыматка ылайык, эл аралык аба каттамын Алматыдан Ысык-көл областына Казакстандык QAZAQ Air авиакомпаниясы ишке ашырууда. Канадада чыгарылган заманбап Bombardier Q400 NextGEN учагы менен 74 жүргүнчү учуп келди.
Аталган багыт боюнча учак жумасына эки ирет – дүйшөмбү жана жума күндөрү аткарылат.
