Финансы министринин орун басары Мирланбек Байгончоков берген арызына ылайык ээлеген кызматынан бошотулду. Бул тууралуу өкмөттүн аппаратынын маалымат менен камсыздоо бөлүмү билдирди. Тийиштүү буйрукка премьер-министр Мухаммедкалый Абылгазиев кол койду.
Анын ордуна Абдыбалы тегин Суеркул Финансы министринин орун басары болуп дайындалды. Бүгүн министрликтин борбордук аппаратынын жамаатына Өкмөттүн Аппарат Жетекчиси – министр Самат Кылжыев тааныштырды.
