Баткен облусунун тургуну 65 жаштагы Изатай Искандерова көп жылдардан бери айыккыс дартка чалдыгып, арабага отуруп калган.
Учурда анын ишенгени эле 13 жаштагы небереси Чынара. Ал апага тамагын берип, жуунтуп, жаткырып, баарын өзү тейлейт. Кичинекей кыз окууга дагы барбай айла жок, тайенесин караганга мажбур.
Көп убакыттан бери ден соолугу эле башкы көйгөй эмес. Изатай апанын баш калкалай турган үйү дагы жок. Учурда кайрымдуу инсандар берген үйго убактылуу жашап жүрөт. Анын айтымына караганда кайрылбаган адамы, какпаган эшиги калган эмес.
