3-июлдагы Форумдун алдында өткөн митингде Мээрбек Мискенбаев Жогорку Кеңештин депутаттыгынан кеткенинин негизги себебин айткан. Анда Мискенбаев азыркы “чимкириктерге” кошулбайын деп мандатымды тапшырып кеткенин билдирген. Бирок биздин редакцияга келип түшкөн аудио материалда Мээрбек Мискенбаевдин депуттатык креслодон ажырап калбоо үчүн аракети байкалат. Аудио материал болжол менен 2014-жылы Мискенбаев Жогорку Кеңештин депутаты болуп турганда, Айкөл Ала-Тоо коомдук бирикмесинин жыйналышында жазылып алынган. Жыйналышта аталган коомдук бирикменин өкүлдөрүнүн ортосунда көмүр маселеси боюнча пикир келишпестиктер орун алган.
