Карт тарых барактарында эчендеген ири державалар, мамлекеттер убагында дуулдап өнүгүп, анан канча бир убакыт өткөндөн кийин акырындан алсызданып отуруп, аягында держава катары, мамлекет катары жок болуп кеткендери белгилүү. Мунун бир гана себеби болгон – ал ынтымактын ыдырашы, биримдиктин бузулушу.

Ал эми ынтымактын жана биримдиктин бузулушунун бир гана себеби – бийлик үчүн, байлык үчүн мамлекеттин кызыкчылыгын эске албаган бузукулардын жүргүзгөн чыккынчылык иш-аракеттери. Бүгүнкү күндө Кыргызстанда да ошондой керт башынын кызыкчылыгын ойлогон саясатчылар болууда. Убагында мамлекеттин, элдин эсебинен миллиондогон каражаттарды уурдап, жүздөгөн кыймылсыз мүлктөрдү ээлеп алгандар учурда элибиздин ынтымагына доо кетирип, будуң-чаң салып, ошонун арты менен өздөрүнүн кылмыштуу иштерин жаап-жашырып калгылары келүүдө.

Тилекке каршы, алардын арам ойлоруна, берген акчаларына алданып калган мекендештерибиз да болууда. Эгерде биз жеке саясатчылардын керт башынын кызыкчылыгы үчүн эл ынтымагына, мамлекет бүтүндүгүнө доо кетире турган болсок, анда бизди эч качан келчек муун кечирбейт. Эгерде биз жеке саясатчылардын бийликти, байлыкты гана көксөгөн максаттарына курал боло берсек, анда эртең мамлекетибизди жоготуп алышыбыз мүмкүн.

Ал эми мамлекетти жоготуп алуу дегендик – жерибизди жоготуп алуу дегендик, өзүбүздүн уул-кыздардын келечегин жоготуп алдык дегендик.

Андыктан жалпы кыргызстандыктар мамлекетибиздин эртеңи, келечеги жана гүлдөп өнүгүшү үчүн «бир жакадан баш, бир жеңден кол чыгарган» ынтымакта болушубуз керек. Эл бузарлардын, журт бузарлардын азгырыгына алданганча, аларды кайра жоопкерчиликке тартууга талап коюшубуз зарыл. Ошондо гана биз акыйкат, адилет, өнүкөн өлкөдө жашай алабыз. Ошондо гана биз өзүбүздүн уул-кыздарыыздын келечегине камкордук көргөн болобуз.

Ой толгогон: Эрмек Кубатбеков

Макала жактыбы?

НетДа
0
0
Loading...

Пикир кошуңуз

Пожалуйста, введите ваш комментарий!
Пожалуйста, введите ваше имя здесь

Просмотров: 17