Чүй областынын Жайыл районуна караштуу Новониколаевка айылында 10 жаштагы баланы унаа сүзүп кетти. Белгилүү болгондой, окуя 9-июль күнү саат 09:15те Бишкек-Чалдовар жолунда болгон.
2008-ж.т. жаш бала жолдо өтүп бара жатканда “Хонда Фит” үлгүсүндөгү унааны башкарып бара жаткан 1997-ж.т. айдоочу сүзүп кеткен. Жабыркаган бала ошол жерден жан берген.
Учурда унаа айып короого токтотулуп, чогулган материалдар тергөө кызматына өткөрүлүп берилди.
