Бишкекте маршрутка менен жеңил унаа кагылышкан кырсыкта 12 жүргүнчү жабыркады. Бул тууралуу «Тез жардам» кызматынан билдиришти.
Маалыматка караганда, жол кырсыгы бүгүн Тоголок Молдо жана Щербаков көчөлөрүнүн кесилишинде болду. Кырсык болгон жерге «Тез жардам» кызматынын беш тобу барган.
12 жүргүнчү ооруканага жеткирилди. Экөөнүн ахыбалы орточо, калганы жеңил жаракат алышты.
