Бүгүн Баткен облусунун аймагында күчү 4 балга жеткен жер титирөө катталды. Бул тууралуу ӨКМден кабарлады.
Маалыматка ылайык, жер титирөөнүн күчү Баткен районунун Бөжөй айылында жана Кадамжай районунун Өтүкчү айылында 4 балга жеткен. Ал эми Айдаркен шаарында, Кызыл-Коргон, Совет, Кара-Тумшук, Ормош айылдарында 3,5 балга чейин жеткен.
ӨКМ билдиргендей, кырсыктан жабыркагандар жана кыйроолор катталган жок.
