Саясатчы, “Ата Мекен” партиясынын камактагы лидери Өмүрбек Текебаевдин жана ӨКМдин мурдагы башчысы Дүйшөнкул Чотоновдун бүгүнкүгө белгиленген соттук отуруму 21-августка жылдырылды. Буга себеп катары жаңы ачылган жагдайлар боюнча иштин көлөмү чоң экенин жүйө келтиришкен. Сотко партиялаштары, Жогорку Кеңештеги “Ата Мекен” фракциясынын депутаттары, айыпталуучулардын жакындары келген. Жактоочусу Таалайгүл Токтакунованын айтымына караганда жаңы ачылган жагдайларда жалпысынан беш иш бар. Алардын бири Леонид Маевский менен жолуккан иш бөлмөсү туралуу. Ал иш бөлмө мурдагы президент Алмазбек Атамбаевдики болгон.
