Бишкектин ортосунда токтоп турган аавтоунаа күйүп кетти. Өрт 20-июлга караган түнү болуп, Бөкөнбаев менен Ибраимов көчөлөрүнүн кесилишинде токтоп турган BMW автоунаасы күйүп кеткен.
Окуя түнкү саат 3:00дөр чамасында болгон. Бактыга жараша эч ким жабыркаган эмес. Жакын жерде жүргөн кишилер жалында калган автоунаанын жанындагы машиналарды ары түртүп куткарып калышкан.
Күбө эртең менен саат 9:00дөр чамасында окуя болгон жерден өткөндө, күйүп кеткен машина жок экенин көргөнүн айтты.
ӨКМдин маалымат кызматынан кабарлашкандай, автоунаа өрттөнүп жатканы боюнча маалымат саат 2:49да түшкөн. Кырсык болгон жерге бир өрт өчүрүүчү машина келип өрттү өчүргөн.
Булак: Спутник
