Кыргызстандын аймактарындагы тонналаган кара куурайлар жок кылынды

Баткен шаарында «Мак 2019» операциясынын жүрүшүндө 1,5 тонна кара куурай жок кылынды.

Милиция кызматкерлери Баткен шаарынын Кызыл-Жол кварталында жалпы 10 гектар жерди текшерип чыгышкан. Натыйжада 2 гектар жер аянтынан 1,5 тонна кара куурай орулуп, өрттөлүп жок кылынган.

Ошондой эле, Чүй облусунун чек ара кызматкерлери 5 тоннага жакын жапайы кара куурайды жок кылышты. Бул тууралуу Чек ара кызматынын басма-сөз кызматы кабарлады.

Берилген маалыматтарга караганда, чек ара кызматкерлеринин «Чек арадагы бир туугандык-2019» операциясынын алкагында жүргүзүлгөн ыкчам иш-чараларынын негизинде жапайы кара куурай аянты табылган.

Ал эми атайын комиссиянын текшерүүсүнөн кийин, ИИМдин, УКМКнын жана жергиликтүү бийликтин катышуусунда 5 тонна жапайы кара куурай өрттөлүп жок кылынды.

 

Пикир кошуңуз

Пожалуйста, введите ваш комментарий!
Пожалуйста, введите ваше имя здесь